Orars dl bus y dla ferata nüs dai 11 de dezëmber inant

Deplü coliamënc dles corieres da doman, da sëra y ince tratan le fin dl’edema y de mius coliamënc en general te tröpes localités: chëstes les novités plü importantes dl’orar nü por l’ann 2023 che jará en forza ai 11 de dezëmber y che en chësc ann, por le terzo iade, é gnü metü jö cun la partezipaziun ativa di zitadins.

La secunda domënia de dezëmber é le termin por l’ajornamënt di orars dles corieres y dles ferates te Südtirol. Ai 11 de dezëmber jará en forza ince en chësc ann deplü mioramënc por i passajiers Daniel Alfreider, Assessur provinzial por la Mobilité, sotrissëia: “Cun l’orar nü unse ciamó en iade amplié y mioré le sorvisc de trasport publich. Cun chësc orunse mioré dantadöt i coliamënc tles zones rurales y fá deventé le trasport publich ciamó plü atraënt sciöche alternativa al’auto privat.”

Düc i orars tres da tó ca: app südtirolmobil

Tres l'aplicaziun südtirolmobil y la plata internet www.suedtirolmobil.info á i passajiers dötes les informaziuns y i orars ajorná tres dan man te na manira scëmpla y debann. Ince la planificaziun dl percurs é poscibla dilan al’aplicaziun. “Al basta n’odlada al fonin por ester tres ajorná sön i orars y sce al ess da ester mudaziuns”, afermëia l’Assessur provinzial por la Mobilité Daniel Alfreider, “l’aplicaziun á bele plü de 100.000 anuzadus y é en stromënt dër important por ti dé informaziuns tres atuales ai passajiers.” La plata internet www.suedtirolmobil.info y l’aplicaziun por l fonin é da ciafé ti lingac todësch, talian, ladin y ince inglesc.

La linia prinzipala 401 Porsenù – Bornech ciafa chisc iadi implü: dales 4:48 e 20:47 da Porsenù y dales 19:40 da Bornech. Le iade da denant Vintl - Bornech dles 6:17 paia ia sëgn dales 5:48 bele da Porsenù. A Bornech, la coriera jarà dala staziun dla ferata inant por Via Europa e sarà insciö coliada ince cun le zënter de Bornech.

Al é novités desvalies por ci che reverda le Citybus da Bornech: la linia 420.2 jará cina a San Lauranz, é ativa döt l’ann cina a Raiscia y ciafa en sorvisc vigni ora por San Martin Todësch y San Stefo. Es sostituziun é la linia 422 limitada da Bornech cina a Falzes. La linia 420.1 zircolëia plü dî da sëra, deperpo sön la linia 420.3 se möda le percurs a Oberragen.

La linia 402 Bornech – Sanciana zircolëia ma tratan i dis de scora, mo ciafará iadi implü da doman y da sëra dal lönesc al vëndres, danterater ince na partënza da Bornech dales 22:32. Les corieres sön la linia 418 Pfunders - Vintl zircolëia da sëgn inant ince de domënia vigni ora. Ince sön la linia 421 Vintl – Terenten – Falzes – Bornech vëgnl metü a jí en sorvisc vigni ora de domënia, che porta te na manira alternada a Greinwalden y le lech de Issing. Da Bornech, condüj la linia fora por l Graben. La linia 422 sará limitada ala trassa Bornech - Falzes impede dla trassa da denant Bornech – San Lauranz.

La linia 412 Rodeneck – Mühlbach - Vals ará en sorvisc vigni ora de domënia y jará cina tert da sëra.

Sön la linia 441 Gsies - Welsberg – Sanciana, vëgn düc i iadi arlungiá cina a/da Sanciana y de domënia vá la coriera vigni ora. Aladô dles esigënzes de sajun, pëia la linia 443 d’invern ia da Welsberg impede da S.Vito tla direziun de Brückele – Plätzwiese, d’isté indere sarál plü iadi da Niederdorf demez. Le Citybus Welsberg, linia 438, zircolëia da sëgn inant ince de domënia y tratan i dis de festa, indere tratan i dis da laur passa la coriera vigni ora. 

La coriera dla linia 450 Bornech – Val de Türesc, che vëgn dassënn adorada, passa d’isté vigni 15 menüc y se archita a Kasern. Ala tól ite tratan en valgügn iadi ince la zona industriala de Bornech vest. Les linies 451 y 454 dla Val de Türesc ará en sorvisc vigni ora tratan i dis da laur y en sorvisc vigni döes ores la domënia.

Le Citybus Toblach, linia 448, zircolëia sön en percurs nü te paisc. Sön la linia 445 Toblach - Cortina, la pröma coriera da doman sará a desposiziun vigni de. 

La linia 460 Bornech – Val Badia zircolëia da sëgn inant vigni mes’ora dal lönesc al vëndres y ince da sëra passa la coriera en pü’plü dî. Preodüs é ince iadi implü da doman anter S.Martin de Tor y Calfosch, insciö ince da sëra anter Calfosch y San Martin de Tor. Pián ia dala staziun de Bornech, passa ince la linia 460 fora por l zënter de Bornech. Ince le Mareobus, linia 461, passa da sëgn inant vigni mes’ora anter Longega y Al Plan. An rüva a Pederü fora por döt l’ann cun döes copies de corieres dla linia 462. Le coliamënt dla coriera 467 Rina - Longega gnará amplié dassënn y le numer de iadi sará quaji dopl tan alt. 

Al é ince na novité sön la linia dl Nightliner NL 450 dla Val de Türesc: le bus che pëia ia da Kasern dales 1:35 da sëgn inant rüva cina a Bornech. Implü él a desposiziun en iade lapró da Bornech a Türesc dales 3:15 da doman.

01/12/2022