I zitadins che n‘á nia la cherta d‘identité o a chi che süa cherta d‘identité é bele scadüda pó prenoté en apuntamënt por damané dô la cherta d‘identité.
Les prenotaziuns pó gni fates tres telefon 0474/524368 o tres le portal de prenotaziun dl Ministér dl Intern https://www.prenotazionicie.interno.gov.it.
Le dé dl apuntamënt éle da se tó impara i documënt dessot:
- n documënt de identificaziun che vêl
- le codesc fiscal o la tessera sanitaria
- na foto biometrica da sëgn (a corusc) tl format de papire, sce ara n’é bele nia gnüda ciariada sö denant online tl formular dla domanda
- la confermaziun dl paiamënt, sce le paiamënt é bele gnü fat
- la detlaraziun de stromenada o arobada dla cherta d’identité da denant
- la cherta d’identité vedla da denant
- por i mituns sot ai 18 agn: la firma di geniturs
- i mituns sura i 12 agn mëss se presenté personalmënter
Le cost de emisciun por vigni cherta é de 22,00 Euro.
La cherta d’identité eletronica gnará consegnada anter 6 dis da laur da pert dl Istitut Poligrafich dl Stat (IPSZ).
