Sorvisc ai zitadins

Sön l'portal vëgnel ince por i zitadins metü a desposiziun deplü sorvisc, sce an vá ite tl portal ANPR (https://www.anagrafenazionale.interno.it/servizi-al-cittadino/) cun l’identité digitala (SPID, cherta d’identité digitala o cherta nazionala di sorvisc).

profil personal („Profilo utente“)

Por dé dant la misciun olache án ciafa i zertificac damaná y les notificaziuns automatiches.

Vijiuns y autozertificaziuns („Visura e autocertificazioni“)

Por consulté i dac anagrafics y chi dla familia, pro chëra che an alda. Al é ince la poscibilité da damané do y stampé fora autozertificaziuns.

Zertificac („Certificati“)

A pié ia dai 15.11.2021 pó le zitadin desciarié online deplü sorts de zertificac dl sorvisc ANPR revardënt.
I zertificac é desponibli por sé instësc o por n mëmber dla familia anagrafica y chisc é debann.

Retificaziun de dac („Rettifica dati“)

Por ortié ite na domanda de retificaziun di dac anagrafics en cajo de fai tles informaziuns dades dant tla scheda anagrafica, a gauja de fai materiai o trascriziuns falzes respet a ci che é dé dant ti documënc revardënc en posses dl zitadin.

Informaziun generala

Le proiet “Anagrafa nazionala dla popolaziun residënta” (ANPR) á metü man dl 2013. Le travert ê chël da cherié na anagrafa nazionala y dé insciö la poscibilité ai zitadins da adoré sorvisc desvalis (p.ej. zertificac), nia ma tl comun de residënza, mo te vigne comun talian.
Laprò dess chësta banca dac ince scëmplifiché l'barat de informaziuns danter ufizi publics.