NOVITÉ por le refodam BIO

MUDAMËNC IMPORTANC DAL 01/01/2025 por ci che reverda la racoiüda dl refodam BIO

Le refodam bio mëss gní metü tla bëna dal refodam bio zënza resć vërc y zënza sostanzes che n’alda nia lapró. Al vëgn perié da mëte averda: GNANCA les tasces signades fora coche biodegradables o compostables NE PÓN plü tó, dal momënt ch’ares pó compliché y desturbé le prozes da revaluté le refodam bio. 

Co che le refodam vëgn adoré:

I resć de patüc da mangé abiná adöm vëgn tratá tl implant da borvé anaerobich zentral a Lana, olach’ai vëgn tuc da fá forza eletrica ecologica. Osc, scüsces de concores y scüsces d’üs ne broa nia, chël ó dí ch’ai ne vëgn nia trasformá tl prozes d’elauraziun. Chësc vel sides por le borvé tl implant zentral co pro le prozes da composté. Porchël mëssi gní desgorc a pert. Por chëstes gaujes ne pói nia gní sciurá tla bëna dal refodam bio, mo mëss gní metüs pro le refodam de rest.

Dal 01.01.2025 inant gnarál metü a desposiziun sac de papier 

che pó gní adorá por le refodam bio. 

Al nen sará intanc al ann a desposiziun de vigni familia. 

Ai gnará dá fora te comun, poscibilmënter canche an vá a se tó 

i sac dl refodam de rest.

Deplü informaziuns ciafëise tl sföi de informaziun y chiló

27/02/2025